0:00
/
1ܘܕܲܪܣܵܥܲܬ ܒܨܲܦܪܵܐ ܥܒܸܕܠܗܘܿܢ ܪܵܐܝܝܼ ܓܘܼܪ̈ܵܢܹܐ ܕܟܵܗܢܹ̈ܐ ܥܲܡ ܚܘܵܪ̈ܕܸܩܢܹܐ ܘܥܲܡ ܣܵܦܪܹ̈ܐ: ܘܥܲܡ ܟܠܹܗ ܟܸܢܫܵܐ ܕܪܵܐܝܝܼ: ܘܐَܣܸܪܗܘܿܢ ܠܝܼܫܘܿܥ: ܘܠܘܼܒܸܠܘܿܢ ܘܣܘܼܦܹܠܗܘܿܢ ܐܸܠܹܗ ܠܦܝܼܠܵܛܘܿܣ. 2ܘܒܘܼܩܸܪܹܗ ܡܸܢܹܗ ܦܝܼܠܵܛܘܿܣ: ܐܲܢَܬ ܝܼܘܸܬ ܡܲܠܟܵܐ ܕܝܼܗَܘܼܕܵܝܹ̈ܐ: ܘܗ̇ܘ ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܹܗ: ܐܲܢ݇ܬ ܐَܡܸܪܘܼܟܼ. 3ܘܡܚܹܐܠܗܘܿܢ ܓܘܼܪ̈ܵܢܹܐ ܕܟܵܗܢܹ̈ܐ ܕܲܪܗܲܩܹܗ ܒܪܵܒܵܐ ܡܸܢܕܝܵܢܹ̈ܐ. 4ܘܦܝܼܠܵܛܘܿܣ ܡܸܢَܕܪܸܫَ ܒܘܼܩܸܪܹܗ: ܘܐَܡܝܼܪܹܗ ܐܸܠܹܗ: ܠܹܐ ܝܘܸܬ ܓ̰ܲܘܘܼܒܹܐ ܡܸܢܕܝܼ: ܚܙܝܼ: ܟܡܵܐ ܒܸܡܚܵܝܵܐ ܝܢܵܐ ܕܲܪܗܲܩܘܼܟ. 5ܐܝܼܢܵܐ ܝܼܫܘܿܥ ܐ݇ܚܹܪ݇ܢܵܐ ܡܸܢܕܝܼ ܓ̰ܘܼܘܵܒ ܠܵܐ ܝܘܼܗَܒܼܸܠܹܗ: ܕܵܐܟ̣ܝܼ ܕܥܘܼܓ̰ܸܒܠܹܗ ܦܝܼܠܵܛܘܿܣ. 6ܐܝܼܢܵܐ ܒܥܹܐܕܵܐ ܟܹܐ ܫܵܪܹܐ ܗ݇ܘܵܐ ܐܸܠܵܝܗܝ ܚܲܕَ ܐܲܣܝܼܪܵܐ: ܐܵܝܢܝܼ ܕܛܵܠܒܝܼ ܗ݇ܘܵܘ. 7ܘܐܝܼܬ ܗ݇ܘܵܐ ܚܲܕَ ܕܦܝܵܫܵܐ ܗ݇ܘܵܐ ܩܸܪܝܵܐ: ܒܲܪ ܐܲܒܵܐ: ܕܐَܣܝܼܪܵܐ ܗ݇ܘܵܐ ܥܲܡ ܥܵܒ̣ܕܵܢܹ̈ܐ ܕܫܓ̣ܘܼܫܝܵܐ: ܐܵܢܝܼ ܕܥܒ̣ܝܼܕܹܐ ܗ݇ܘܵܘ ܩܸܛܠܵܐ ܒܫܓ̣ܘܼܫܝܵܐ. 8ܘܡܘܼܩܘܸܚܠܗܘܿܢ ܟܸܢܫܵܐ: ܘܫܘܼܪܹܠܗܘܿܢ ܠܸܛܠܵܒܵܐ: ܕܐܲܝܟܼ ܕܐܝܼܬ ܗ݇ܘܵܐ ܠܹܗ ܥܵܕܲܬ ܥܵܒܸܕ ܗ݇ܘܵܐ ܐܸܠܵܝܗܝ. 9ܐܝܼܢܵܐ ܦܝܼܠܵܛܘܿܣ ܓ̰ܘܼܘܸܒܠܹܗ ܘܐَܡܝܼܪܹܗ: ܒܵܥܹܝܬܘܿܢ ܕܫܵܪܸܢ ܐܸܠܵܘܟ̣ܘܿܢ ܡܲܠܟܵܐ ܕܝܗَܘܼܕܵܝܹ̈ܐ. 10ܣܵܒܵܒ ܕܒܝܼܕܵܥܝܵܐ ܗ݇ܘܵܐ ܕܡ̣ܢ ܒܲܚܸܠܵܢܘܼܬܵܐ ܣܘܼܦܹܠܗܘܿܢ ܐܸܠܹܗ ܓܘܼܪ̈ܵܢܹܐ ܕܟܵܗܢܹ̈ܐ. 11ܐܝܼܢܵܐ ܓܘܼܪ̈ܵܢܹܐ ܕܟܵܗܢܹ̈ܐ ܚܘܼܦܸܛܠܗܘܿܢ ܠܟܸܢܫܹ̈ܐ: ܕܗܲܪ ܠܒܲܪ ܐܲܒܵܐ ܫܵܪܹܐ ܗ݇ܘܵܐ ܐܸܠܵܝܗܝ. 12ܘܦܝܼܠܵܛܘܿܣ ܓ̰ܘܼܘܸܒܠܹܗ ܡܸܢَܕܪܸܫَ ܐܸܠܵܝܗܝ: ܒܲܣ ܡܘܼܕܝܼ ܒܵܥܹܝܬܘܿܢ ܕܥܵܒ̣ܕܸܢ ܠܐܵܗܵܐ ܕܒܸܩܪܵܝܵܐ ܝܬܘܿܢ ܡܲܠܟܵܐ ܕܝܗَܘܼܕܵܝܹ̈ܐ. 13ܘܐܵܢܝܼ ܡܸܢَܕܪܸܫَ ܡܘܼܩܘܸܚܠܗܘܿܢ: ܙܩܘܿܦ ܠܹܗ. 14ܐܝܼܢܵܐ ܦܝܼܠܵܛܘܿܣ ܐَܡܝܼܪܹܗ ܐܸܠܵܝܗܝ: ܩܵܡܘܿܕܝܼ: ܡܘܼܕܝܼ ܣܸܪܝܵܐ ܥܒ̣ܝܼܕܵܐ ܝܠܹܗ: ܘܐܵܢܝܼ ܒܘܼܫ ܙܵܘܕܵܐ ܡܲܩܘܸܚܝܼ ܗ݇ܘܵܘ: ܙܩܘܿܦ ܠܹܗ. 15ܘܦܝܼܠܵܛܘܿܣ ܟܲܕ ܒܣܸܡܠܵܐ ܠܹܗ ܕܥܵܒܼܸܕ ܗَܘܵܐ ܪܸܙܵܝܵܐ ܕܟܸܢܫܹ̈ܐ: ܫܪܹܠܹܗ ܐܸܠܵܝܗܝ ܠܒܲܪ ܐܲܒܵܐ: ܘܣܘܼܦܹܠܹܗ ܒܝܼܵܝܗܝ ܠܝܼܫܘܿܥ: ܟܲܕ ܓ̰ܘܼܢܓ̰ܸܪܵܐ: ܕܦܵܐܹܫ ܡܸܚܝܵܐ ܠܙܩܝܼܦܵܐ. 16ܘܣܲܪ̈ܒܵܙܹܐ ܠܘܼܒܸܠܗܘܿܢ ܐܸܠܹܗ ܠܓܵܘ ܕܵܪܬܵܐ: ܕܝ݇ܠܵܗ̇ ܦܪܵܛܘܿܪܝܼܢ: ܘܩܪܹܐܠܗܘܿܢ ܠܟܠܵܗ̇ ܕܲܣܬܵܐ. 17ܘܡܘܼܠܒܸܫܠܗܘܿܢ ܐܸܠܹܗ ܐܲܪܓܘܵܢܵܐ: ܘܓܕܸܠܗܘܿܢ ܡܘܼܬܸܒ̣ܠܗܘܿܢ ܥܲܠܘܼܗܝ ܒܸܢܦܵܪ ܕܟܸܬܘܹ̈ܐ. 18ܘܫܘܼܪܹܠܗܘܿܢ ܠܸܕܪܵܝܵܐ ܫܠܵܡܵܐ ܐܸܠܹܗ: ܫܠܵܡܵܐ: ܡܲܠܟܵܐ ܕܝܗَܘܼܕܵܝܹ̈ܐ. 19ܘܡܚܹܐܠܗܘܿܢ ܥܲܠ ܪܹܫܹܗ ܒܙܹܠܵܐ: ܘܪܸܩܠܗܘܿܢ ܥܲܠܘܼܗܝ: ܘܒܸܒܪܵܟܵܐ ܥܲܠ ܒܘܼܪ̈ܟܵܟܵܝܗܝ ܣܓܸܕܠܗܘܿܢ ܐܸܠܹܗ. 20ܘܟܲܕ ܡܘܼܣܚܸܪܗܘܿܢ ܒܝܹܗ: ܫܘܼܠܸܚܠܗܘܿܢ ܡܸܢܹܗ ܓ̰ܘܼܠܹ̈ܐ ܕܐܲܪܓܘܵܢܵܐ: ܘܡܘܼܠܒܸܫܠܗܘܿܢ ܐܸܠܹܗ ܓ̰ܘܼܠܹ̈ܐ ܕܓܵܢܹܗ: ܘܦܘܼܠܸܛܠܗܘܿܢ ܕܡܵܚܝܼ ܠܹܗ ܠܙܩܝܼܦܵܐ. 21ܘܥܒܸܕܠܗܘܿܢ ܫܘܼܚܪܵܐ ܠܚܲܕَ ܕܒܸܥܒ̣ܵܪܵܐ ܗ݇ܘܵܐ: ܫܸܡܥܘܿܢ ܩܹܘܪܝܼܢܵܝܵܐ: ܕܒܹܐܬܵܝܵܐ ܗ݇ܘܵܐ ܡ̣ܢ ܚܲܩܠܵܐ: ܒܵܒܹܗ ܕܐܵܠܹܟ̣ܣܲܢܕܪܘܿܣ ܘܕܪܘܼܦܘܿܣ: ܕܫܵܩܸܠ ܗ݇ܘܵܐ ܙܩܝܼܦܹܗ. 22ܘܡܘܼܬَܝܹܠܗܘܿܢ ܐܸܠܹܗ ܠܓܵܓ̣ܘܼܠܬܵܐ ܕܘܼܟܬܵܐ: ܕܦܝܵܫܵܐ ܝ݇ܠܵܗ̇ ܦܘܼܫܸܩܬܵܐ: ܕܘܼܟܵܐ ܕܩܲܪܩܲܦܬܵܐ. 23ܘܝܸܗܒܸܠܗܘܿܢ ܐܸܠܗ ܠܸܫܬܵܝܵܐ ܚܲܡܪܵܐ ܚܒ̣ܝܼܛܵܐ ܒܝܹܗ ܡܘܼܪܵܐ. ܐܝܼܢܵܐ ܗ̇ܘ ܠܵܐ ܫܩܸܠܹܗ. 24ܘܟܲܕ ܙܩܸܦܠܗܘܿܢ ܐܸܠܹܗ: ܦܘܼܠܹܠܗܘܿܢ ܓ̰ܘܼܠܘܼ̈ܗܝ: ܘܕܪܹܠܗܘܿܢ ܥܲܠܵܝܗܝ ܦܸܫܟܵܐ: ܡܘܼܕܝܼ ܟܠ ܚܲܕَ ܫܵܩܸܠ ܗ݇ܘܵܐ. 25ܘܣܵܥܲܬ ܕܬܠܵܬَ ܝܼܗ݇ܘܵܐ: ܘܙܩܸܦܠܗܘܿܢ ܐܸܠܹܗ. 26ܘܟܬܝܼܒ̣ܵܐ ܗ݇ܘܵܐ ܟܬܵܒ̣ܵܐ ܕܗܲܓ̰ܲܬܹܗ: ܡܲܠܟܵܐ ܕܝܗَܘܼܕܝ̈ܐ. 27ܘܙܩܸܦܠܗܘܿܢ ܥܲܡܹܗ ܠܬܪܹܝ ܓ̰ܵܠܵܠܝܹܐ: ܚܲܕَ ܡ̣ܢ ܝܲܡܝܼܢܹܗ ܘܚܲܕَ ܡ̣ܢ ܣܸܡܵܠܹܗ. 28ܘܬܘܼܡܸܡܠܹܗ ܟܬܵܒ̣ܵܐ ܕܐَܡܝܼܪܹܗ: ܕܥܲܡ ܢܵܐܗܲܩܹ̈ܐ ܦܸܫܠܹܗ ܡܸܢܝܵܐ. 29ܐܘܼܦ ܥܵܒ̣ܪ̈ܵܢܹܐ ܓܵܕܦܝܼ ܗ݇ܘܵܘ ܥܲܠܘܼܗܝ: ܘܫܵܥܫܝܼ ܗ݇ܘܵܘ ܪܹ̈ܫܵܝܗܝ ܘܐܵܡܪܝܼ: ܝܵܐ ܣܵܬܪܵܢܵܐ ܕܗܲܝܟܠܵܐ: ܘܒܵܢܝܵܢܹܗ ܒܬܠܵܬَܐ ܝܵܘܡܵܢܹ̈ܐ. 30ܦܵܨܝܼ ܓܵܢܘܼܟ: ܘܨܠܝܼ ܡ̣ܢ ܙܩܝܼܦܵܐ. 31ܘܗܲܕܟ̣ܵܐ ܐܘܼܦ ܓܘܼܪ̈ܵܢܹܐ ܕܟܵܗܢܹ̈ܐ ܒܸܓܚܵܟܵܐ ܚܲܕَ ܥܲܡ ܕܗ̇ܘ ܐ݇ܚܹܪ݇ܢܵܐ: ܥܲܡ ܣܵܦܪܹ̈ܐ: ܐَܡܸܪܗܘܿܢ: ܠܐ݇ܚܹܪ̈݇ܢܹܐ ܡܘܼܚܹܠܹܗ: ܠܓܵܢܹܗ ܠܹܐ ܡܵܨܹܐ ܠܡܲܚܘܼܝܹܐ. 32ܡܫܝܼܚܵܐ ܡܲܠܟܹܗ ܕܝܼܣܪܵܝܹܠ ܨܵܠܹܗ ܐܵܕܝܼܵܐ ܡ̣ܢ ܙܩܝܼܦܵܐ: ܕܚܵܙܵܚ ܘܗܲܡܸܢܵܚ. ܘܐܘܼܦ ܐܵܢܝܼ ܕܦܸܫܠܗَܘܿܢ ܙܩܝܼܦܹܐ ܥܲܡܹܗ ܠܸܡܠܗܘܿܢ ܐܸܠܹܗ. 33ܘܟܲܕ ܗَܘܹܐ ܠܵܗ̇ ܣܵܥܲܬ ܕܐܸܫܸܬ: ܗَܘܹܐܠܹܗ ܚܸܫܟܵܐ ܥܲܠ ܟܠܵܗ̇ ܐܲܪܥܵܐ: ܗܲܠ ܣܵܥܲܬ ܕܐܸܬܫܲܥ. 34ܘܒܣܵܥܲܬ ܕܐܸܬܫܲܥ ܡܘܼܩܘܸܚܠܹܗ ܝܼܫܘܿܥ ܒܩܵܠܵܐ ܪܵܡܵܐ ܘܐَܡܝܼܪܹܗ: ܐܹܝܠܝ: ܐܹܝܠܝ: ܠܡܵܢܵܐ ܫܒܲܩܬܵܢܝ: ܕܦܝܵܫܵܐ ܝ݇ܠܵܗ̇ ܦܘܼܫܸܩܬܵܐ: ܐܲܠܵܗܝܼ ܐܲܠܵܗܝܼ: ܩܵܡܘܿܕܝܼ ܫܒ̣ܝܼܩܸܢܘܼܟ. 35ܘܐ݇ܢܵܫܹ̈ܐ ܕܫܡܸܥܠܗَܘܿܢ ܡ̣ܢ ܕܐܵܢܝܼ ܕܝܼܗ݇ܘܵܘ ܟܸܠܝܹܐ: ܐَܡܸܪܗܘܿܢ: ܗܵܐ: ܠܐܹܠܝܼܵܐ ܒܸܩܪܵܝܵܐ ܝܠܹܗ. 36ܐܝܼܢܵܐ ܪܚܸܛܠܹܗ ܚܲܕَ ܘܡܠܹܠܹܗ ܐܸܣܦܘܼܓܵܐ ܚܵܠܵܐ: ܘܐَܣܸܪܹܗ ܒܙܹܠܵܐ ܕܡܲܫܬܹܐ ܗ݇ܘܵܐ ܠܹܗ: ܘܐَܡܝܼܪܹܗ: ܫܒ̣ܘܿܩܘܿܢ: ܚܵܙܵܚ: ܐܸܢ ܐܵܬܹܐ ܐܹܠܝܼܵܐ: ܡܲܨܠܹܐ ܠܹܗ. 37ܐܝܼܢܵܐ ܝܼܫܘܿܥ ܡܘܼܩܘܸܚܠܹܗ ܒܩܵܠܵܐ ܪܵܡܵܐ: ܘܣܘܼܦܝܼܠܹܗ ܪܘܼܚܹܗ. 38ܘܣܸܬܪܵܐ ܕܬܲܪܥܵܐ ܕܗܲܝܟܠܵܐ ܦܸܫܠܹܗ ܟ̰ܘܼܢܟ̰ܸܪܵܐ ܠܬܪܹܝ ܡ̣ܢ ܠܥܸܠܸܠ ܗܲܠ ܠܐܸܠܬܸܚ. 39ܐܝܼܢܵܐ ܟܲܕ ܚܙܹܐܠܹܗ ܩܸܢܛܪܘܿܢܵܐ: ܗ̇ܘ ܕܟܸܠܝܵܐ ܗ݇ܘܵܐ ܠܒܲܪܩܘܼܒ̣ܠܹܗ: ܕܗܲܕܟ̣ܵܐ ܡܘܼܩܘܸܚܠܹܗ ܘܣܘܼܦܝܼܠܹܗ ܪܘܼܚܹܗ: ܐَܡܝܼܪܹܗ: ܒܫܲܪܝܼܪܘܼܬܵܐ ܐܵܗܵܐ ܐ݇ܢܵܫܵܐ ܒܪܘܿܢܹܗ ܕܐܲܠܵܗܵܐ ܗ݇ܘܵܐ. 40ܐܝܼܢܵܐ ܐܝܼܬ ܗ݇ܘܵܘ ܐܘܼܦ ܒܲܟ̣ܬܵܬܹ̈ܐ ܡ̣ܢ ܪܸܚܩܵܐ ܒܸܚܝܵܪܵܐ: ܕܡܸܢܵܝܗܝ ܗ݇ܘܵܐ ܡܲܪܝܲܡ ܡܲܓ̣ܕܠܵܝܬܵܐ: ܘܡܲܪܝܲܡ ܝܸܡܹܗ ܕܝܲܥܩܘܿܒ̣ ܙܥܘܿܪܵܐ ܘܕܝܘܿܣܹܐ: ܘܫܵܠܘܿܡ. 41ܐܵܢܝܼ ܕܟܲܕ ܗ̇ܘ ܒܸܓܠܝܼܠܵܐ ܗ݇ܘܵܐ ܐܵܙܠَܝܼ ܗ݇ܘܵܘ ܒܵܬَܪܹܗ: ܘܥܵܒ̣ܕܝܼ ܗ݇ܘܵܘ ܠܹܗ ܚܸܠܡܲܬ: ܘܪܵܒܵܐ ܒܲܟ̣ܬܵܬܹ̈ܐ ܐ݇ܚܹܪ̈݇ܢܹܐ ܕܐܣܝܼܩܹܐ ܗ݇ܘܵܘ ܥܲܡܹܗ ܠܐܘܪܸܫܠܸܡ. 42ܘܟܲܕ ܗَܘܹܐܠܹܗ ܪܲܡܫܵܐ: ܣܵܒܵܒ ܕܝܼܗ݇ܘܵܐ ܗܲܕܲܪܬܵܐ: ܝܲܥܢܹܐ: ܝܵܘܡܵܐ ܕܡܩܵܕَܡ ܫܲܒܬܵܐ. 43ܐَܬܹܐܠܹܗ ܝܵܘܣܸܦ ܗ̇ܘ ܕܡ̣ܢ ܪܵܡܬܵܐ: ܪܵܐܝܝܼܟܵܪ ܡܝܘܼܩܪܵܐ: ܕܐܘܼܦ ܒܓܵܢܹܗ ܒܸܣܦܵܪܵܐ ܗ݇ܘܵܐ ܠܡܲܠܟܘܼܬܵܐ ܕܐܲܠܵܗܵܐ: ܘܩܘܼܫܕܸܪܹܗ ܥܒܸܪܹܗ ܠܟܸܣ ܦܝܼܠܵܛܘܿܣ: ܘܛܠܸܒܠܹܗ ܦܲܓ̣ܪܹܗ ܕܝܼܫܘܿܥ. 44ܐܝܼܢܵܐ ܦܝܼܠܵܛܘܿܣ ܥܘܼܓ̰ܸܒܠܹܗ ܕܐܸܢ ܗܲܪ ܐܵܕܝܼܵܐ ܡܝܼܬܵܐ ܗ݇ܘܵܐ. ܘܩܪܹܐܠܹܗ ܠܩܸܢܛܪܘܿܢܵܐ: ܘܒܘܼܩܸܪܹܗ ܡܸܢܹܗ: ܕܐܸܢ ܡ̣ܢ ܩܵܕَܡ ܥܕܵܢܵܐ ܡܝܼܬܵܐ ܗ݇ܘܵܐ. 45ܘܟܲܕ ܝܕܸܥܠܹܗ ܡ̣ܢ ܩܸܢܛܪܘܿܢܵܐ: ܝܘܼܗَܒܼܸܠܹܗ ܦܲܓ̣ܪܹܗ ܠܝܵܘܣܸܦ. 46ܘܙܒܼܸܢܹܗ ܝܵܘܣܸܦ ܟܸܬܵܢ: ܘܡܘܼܨܠܹܠܹܗ ܘܟܘܼܪܸܟ̣ܠܹܗ ܒܟܸܬܵܢ: ܘܡܘܼܬܸܒ̣ܠܹܗ ܒܩܲܒ̣ܪܵܐ ܕܢܩܝܼܪܬܵܐ ܗ݇ܘܵܐ ܒܩܵܝܵܐ. ܘܡܘܼܚܕܸܪܹܗ ܟܹܐܦܵܐ ܥܲܠ ܬܲܪܥܵܗ̇ ܕܩܲܒ̣ܪܵܐ. 47ܘܡܲܪܝܲܡ ܡܲܓ̣ܕܠܵܝܬܵܐ: ܘܡܲܪܝܲܡ ܗ̇ܝ ܕܝܘܿܣܹܐ: ܚܙܹܐܠܗܘܿܢ ܐܲܝܟܵܐ ܕܦܸܫܠܹܗ ܡܘܼܬܒ̣ܵܐ.